鹿兒島美食 – 【九州攻略(二)】食好D住好D

去得九州,當然唔可以錯過去最南面的鹿兒島縣,由福岡搭新幹線出發,大約只需1個半小時就可以到達,既方便又快捷。今次就帶大家去發掘 鹿兒島美食 ,食好D住好D!

如果唔去櫻島或者霧島遊覽的話,相信o係鹿兒島逗留2至3天,時間都已經很充足!因此,如果大家係想去九州快閃玩遍全島的話,一般我會建議預留8天時間,即係3天玩北九州(例如福岡、門司港、由布院、別府)、3天玩中九州(例如熊本、豪斯登堡、長崎)、2天玩南九州(例如鹿兒島、指宿),當然為左慳到盡、玩到盡,千祈唔好忘記購買「全九州5天JR Pass」,事關只要搭返2至3次新幹線或特色列車,已經可以瞬間回本!

 

 

遇上傳說 鹿兒島美食 – 黑豚肉

第一集去完福岡,秋山即刻就搭新幹線さくら号南下鹿兒島,由博多站出發,大約1個半小時就到鹿兒島中央站。落車時正值中午,第一件事當然係去搵野食醫醫肚。鹿兒島除左出名食流水麵、浸砂浴外,另一引人入勝之處,當然係其「黑豚肉」!貴為日本三大名豬之一,黎到鹿兒島當然係唔可以錯過啦。

薩摩黑豚亭薩摩黑豚亭鄰近鹿兒島中央站,非常方便!

薩摩黑豚亭

餐牌選擇尚算多元化

既然咁肚餓,就索性近水樓臺,去左車站附近的「薩摩黑豚亭」,品嘗出名的炸黑豚肉。餐廳選用了六白豚,而且即叫即炸,而且廚師對炸粉的要求都很嚴謹,怪不得平日受到上班族熱捧。

薩摩黑豚亭

點餐後,廚師會即場烹調,師傅正在細心地準備炸豬扒。

薩摩黑豚亭 鹿兒島美食

薩摩黑豚亭 鹿兒島美食

薩摩黑豚亭 鹿兒島美食

【完成品】 – 好香呀!

即叫即炸的豚肉賣相吸引,黃金顏色令人垂涎三尺;食落鬆脆可口,炸粉的比例恰到好處,不會太厚,而入面的肉汁非常豐富,可能由於是採用高級的六白豚的關係,感覺肉質特別鮮嫩鬆化,脂肪分佈亦很均勻。平時食炸豬扒,食過兩三件後,就會開始感到油膩,但偏偏黑豚肉卻不會有這種感覺,令人一塊接一塊咁食!

 

推薦食店:薩摩黑豚亭

地址:鹿児島県鹿児島市中央町1-16 丸美屋ビル1F

電話號碼:099-813-1070

營業時間:11點~14點30分、17點30分~22點

交通方式:JR鹿兒島中央站,出站後向左方步行約3分鐘。

 

 

參加南九州最大型祭典 — 小原節祭典

食完咁完美的炸豬扒後,秋山就去左天文館通一帶的酒店先放低行李,跟住就落街行下。點知咁o岩又撞正「小原節祭典」(每年的11月2-3日舉行),原來呢個祭典係南九州最大型的節日,有大約2萬人參加。

小原節祭典

有太鼓表演,見識到咩叫老當益壯。

小原節祭典

唔……(跳得)不錯不錯。

小原節祭典

小原節祭典

小原節祭典

舞步齊整、步伐一致

小原節祭典

小原節祭典

人,全部都係人

小原節祭典

兒童不宜???

不論男女老少,都會穿著浴衣(日式單衣)、日式號衣或自製的衣服o係天文館通(即係好似香港的彌敦道咁)載歌載舞,他們舞步一致,而且非常投入,實在是很有氣氛!

 

 

品嘗名不虛傳的我流風拉麵

就係咁樣,秋山企左o係街邊睇左個幾鐘頭,跟住又行下附近的商店街後,好快又開始肚餓,咁就去左天文館通的「我流風」食拉麵當晚餐了~即然呢道的黑豚肉係咁出名,當然要覆一覆桌,食佢既招牌「灸燒黑豚拉麵」啦。

我流風拉麵

同一般拉麵店一樣,先o係門口用自助機買票,再交票俾店員。

我流風拉麵

準備拉麵中,好肚餓呀

我流風拉麵 鹿兒島美食

我流風拉麵 鹿兒島美食

塊黑豚肉燒得好香,流心蛋亦處理得很好,水準之作!

我流風拉麵 鹿兒島美食

我流風拉麵 鹿兒島美食

另一款拉麵。(都係灸燒黑豚拉麵好食D)

呢間餐廳同市面一般拉麵店一樣,都係先o係門口的自助點餐機買票,然後將票交俾店員。好快店員就送上熱辣辣的拉麵,由於黑豚肉燒過的關係,遠遠都可以聞到肉香,豬肉食落都係好鬆軟,而湯亦很濃郁,令人好快就食哂碗麵。呢道的流心蛋亦處理得不錯,內裡非常流心,咬開蛋白後,真係會有蛋黃慢慢流出,唔似有D餐廳咁,入面的蛋黃熟透了。

 

推薦食店:我流風拉麵(Garufu

地址:鹿兒島縣鹿兒島市東韆石町 14-3

電話號碼:050-5592-7194

營業時間:11點~23點(星期日則22點關門)

交通方式:天文館通駅徒步約1分

 

 

臨別一嘗蜂蜜紅豆餅

就係咁樣,o係黑豚豬同小原節祭典的陪伴下,好快就過左鹿兒島的第一日。由於聽聞砂浴的排毒功效,竟然比一般溫泉高3至4倍,咁一場來到鹿兒島,當然係要去指宿試一試傳說中的砂浴,順便住埋夙負盛名的白水館啦。

蜂樂饅頭

離遠都已經聞到紅豆餅香味!

離開鹿兒島市中心前,貪心的秋山,就去左蜂樂饅頭食人氣高企的紅豆餅。呢間店鋪長時間都有人排隊,冬天黎食個熱辣辣的紅豆餅的確係人生一大樂事!

蜂樂饅頭 鹿兒島美食

紅豆餅一定要趁熱食,食落有好香的蜂蜜味。

講返個紅豆餅,餅皮有加入了蜂蜜,紅豆則來自北海道,香味十足,內餡更落足料,紅豆粒粒飽滿,而且又經濟實惠,100円就有一個。但係記住、記住、記住(重要野又係要講3次),紅豆餅每日由上午10點賣到下午7點,賣哂就冇架喇。

 

推薦食店:蜂樂饅頭

地址:鹿兒島縣鹿兒島市5-3 Sennichicho

電話號碼:+81 99-224-7728

營業時間:10點~19點

 

 

 

搭上浦島太郎專車

食完「最後的紅豆餅」後,就上路去指宿,返返去鹿兒島中央站。由於係11月3日的關係,所以仲係見到好多人慶祝小原節祭典。

小原節祭典

小原節祭典

一連兩日的日本祭典,真係第一次見。

去到車站當然又要善用JR Pass啦,搭佢既特色列車「指宿之玉手箱」(都話JR Pass好用架啦)。由於每日只係得3班特色列車往返指宿,為免冇位坐,強烈建議早一兩日去JR Office先劃定位,皆因呢架充滿海洋氣息的列車,全部都係指定席,好容易full架,車程大約1個鐘。

指宿玉手箱

指宿玉手箱

車廂外觀用黑白雙色設計。

指宿玉手箱

車廂內講解龍宮傳說的漫畫。

指宿玉手箱

列車沿海行駛,所以長時間都可以睇到美麗的海岸線。

指宿玉手箱

車廂內以木材作主調,部分車廂更設有沙發,非常舒適。

車廂以薩摩半島廣為流傳的龍宮傳說為主題,並採用黑白雙色的外觀,配以舒適寬敞的沙發。由於這是浦島太郎的玉手箱,列車行駛時會飄出白色輕煙,非常特別呢!

火車便當 鹿兒島美食

火車便當

色彩鮮豔的火車便當,實在不能不讚嘆日本人的心思。

火車便當

就連個飯盒都包裝得好靚。

又到左午飯時間,所以上車前o係車站買左個火車便當上車食,係咪好靚呢?(點解行程好似不斷都係食食食?)

 

 

入住半世紀砂浴旅館:指宿白水館

指宿駅

由鹿兒島中央站出發,唔駛1個鐘就到指宿駅。

唔夠1個鐘,食完個火車便當無耐,就已經到左指宿站了。出車站後二話不說截了的士起程到 指宿白水館 ,大約8分鐘就到達呢間開業超過50年的旅館。

白水館

白水館

白水館

白水館的門口及大堂都很有氣派!

踏入旅館,可謂氣勢磅礴,而且大堂佈置很細緻,完全體現正宗的和式風格。館內面積廣闊,有超過200間房間,更設有砂浴場(其實秋山都係被呢點所吸引入住)。

白水館

白水館

白水館

白水館

白水館

白水館

館內面積非常大,而且設施齊備。

白水館

砂浴

搵下個砂浴場o係邊先,收費為1000円一次。

旅館內可謂九曲十三灣,而且有很多設施,包括泳池、庭園、浴場、砂浴場、餐廳、手信店等等……如果花心機認一認路,真係有可能會盪失路呢!

白水館

秋山住的房間門口,很「和式」。

白水館

白水館

房間頗大,分為「西式」及「和式」區域,可以選擇瞓床或者塌塌米。

白水館

仲有welcome snack

 

鹿兒島 砂浴試後感

有人o係旁邊用沙將你活埋,呢種感覺真係好特別,而被活埋5分鐘後,迅即感到全身滾燙(比一般溫泉更熱)。撥開沙堆「解困」後,有少少頭暈的感覺,但係全身都放鬆了,感到輕飄飄,而且精神爽利!(唔通真係因為排走左D毒?好似真係比普通溫泉來得有效呢。)

 

推薦旅店:指宿白水館

地址:鹿兒島縣指宿市東方12126-12

電話號碼:+81 993-22-3131

 
 

>>>用這AGODA連結訂房(指宿白水館),即享優惠!<<<

 
 

 

大家對 鹿兒島美食 ,又有冇其他推介呢?歡迎分享喔~

 

如果鍾意呢篇文章,就快D用下面的按鈕分享俾你朋友啦!您亦可以LIKE秋山的Facebook專頁Instagram!當然亦歡迎留言交流啦!

發佈留言

發佈留言必須填寫的電子郵件地址不會公開。 必填欄位標示為 *