好多香港人都好鍾意去日本旅遊,但往往可能開心得濟,過到去日本就來個「大解放」,忘記了入鄉隨俗。日本是一個非常注重禮儀及傳統的國家,為了避免大家因文化差異,而製造了不必要的誤會,秋山總結了以下 日本10大旅遊禁忌 ,大家記得留意、留意、留意(重要事情要講3次)喇!
一、扶手電梯靠哪邊企?
Tokyo Solamachi by Dick Thomas Johnson
正確答案:
關東地區:企左邊
關西地區:企右邊
好多香港人去到東京旅遊,都習慣了「香港模式」,結果搭扶手電梯時就企了右邊,變相阻住地球轉。最穩妥的做法,還是觀察一下當地人的習慣,再跟隨就可以了。搭扶手電梯時,除了按不同地區的習慣靠某一邊企外,記得還要與其他人保持適當距離呢!
二、浸溫泉小心浴衣變壽衣?
Post-onsen by Nicholas
正確答案:
衣襟左側必須在上方
穿著浴衣時,謹記衣襟左側必定要在上方,否則就貽笑大方了。若果穿錯了,衣襟右側在上方,就變了是壽衣的著法,只有死人才會咁著的。
三、給小費受白眼?付款放小盤上?
Japanese Yen by Steven-L-Johnson
正確答案:
避免給小費予日本人,若店鋪的收銀處提供小盤,付款時請將錢放於小盤上。
日本人認為「做好份工」是本份,客人給予小費反而是不尊重他們的表現,間接貶低他們的自尊。因此,記住避免「好心做壞事」喇。
還有還有,在餐廳或商店結賬時,付款及找續都要多加留意。通常店鋪的收銀處都會提供小盤,付款時請將錢放於盤上,不要親手直接交給店員,這是為了避免爭論。
另外,店員找續時都會好有耐性咁o係你面前逐張銀紙及硬幣「數」給你聽,為表尊重,收到錢後請不要在店員面前「覆核」金額。
四、直視對方 = 無禮貌?
正確答案:
避免直視對方雙眼
細個阿媽教落,講野一定要望住對方雙眼,但原來去到日本竟然變成無禮貌的表現!日本人認為直視對方雙眼會令對方承受壓力,是不禮貌的表現,所以他們對話時通常會看對方的頸部,所以下次同日本人傾計時,記得45度角咁望人地條頸,唔好望眼喇。
五、避開女性專用車廂?
101_0487 by 7beachbum
正確答案:
於特定時段,男性不可進入女性專用車廂。
由於日本風化案嚴重,所以鐵路公司都採用「女性專用車廂」,列車車廂於限定時間內只准女乘客進入。如果你係男性,記得唔好「腳快快」或「側側膊」咁走左入呢D車廂喇,否則一定會備受矚目。
六、車廂內嚴禁講電話?
正確答案:
車廂內嚴禁講電話,亦請將電話調校至靜音模式。
於日本,你會發現無論巴士或鐵路的車廂都非常寧靜,因為日本人非常尊重私隱,亦不想打擾到其他人,所以都會避免車廂內講電話,亦會將電話調校至靜音模式。
七、洗手間專用拖鞋?
Clean/Unclean areas – Toilet slippers by Jorge Lascar
正確答案:
去廁所記得換上「廁所專用」拖鞋。
日本人非常注重衛生,若果餐廳或酒店(尤其是溫泉酒店)的廁所有提供拖鞋的話,請務必先換上「廁所專用」拖鞋,才去辦大事(或小事)吧!
八、搭的請關門?
TOYOTA Crown Sedan XS10_Adachi500U9824 by hans-johnson
正確答案:
搭完的士後,請不要關門。
日本的士的車門都是自動化的,因此落車時,記得唔好懶有手尾咁「o彭」埋車門喇,否則就會嚇親司機架喇。(上車時,亦不用手急急自己拉開車門,司機見到你後,車門就會自動為你打開)
九、掃街邊走邊吃?
School Snacks by ThisParticularGreg
正確答案:
避免於街上邊走邊吃。
去到日本呢個美食天堂,當然唔少得去「掃街」啦,但記得唔好掃到得意忘形,於街上邊走邊吃,因為日本人覺得咁樣係好無禮貌。
十、不能拍的路人?
Japanese Tourists Taking Selfies by David Stanley
正確答案:
避免偷拍路人,拍攝前請事先徵求對方同意。
日本通街(尤其是東京、大阪、京都、福岡等大城市)都係靚仔靚女,或者係識打扮之人,但係記得唔好亂咁偷拍陌生人,因為日本人覺得咁樣都係好無禮貌的行為。
日本10大旅遊禁忌 – 後記
其實去旅行,只要多運用common sense,或者多細心觀察,已經可以避免犯下大部分禁忌。希望呢篇分享幫到大家!
如果鍾意呢篇文章,就快D用下面的按鈕分享俾你朋友啦!您亦可以LIKE秋山的Facebook專頁或Instagram!當然亦歡迎留言交流啦!