有沒有想過於日本古蹟之都玩笨豬跳?宜家黎 京都塔 就玩到喇。機會黎啦!飛雲!
京都塔 VR笨豬跳 男女老幼都玩得
著和服、遊古街(Kimono by 2benny)
黃昏下的鴨川(Kyoto by Pedro Szekely)
去京都玩,相信大部分人都選擇去寺廟參觀、於古街漫步,或找間cafe悠閒地坐一個下午,都是比較靜態的活動。比較活躍的,相信都只是會花幾千円租套和服,扮下日本妹(或日本仔???)o係花見小路或鴨川旁邊自我感覺良好地影一個下午,再將唔同pose既自拍照放上FB/IG呃下like,發放下軍糧。
遠望「京都塔」(The Kyoto Tower by kid-d)
黎到京都,除左拍拍拍(照)之外,宜家終於有刺激D o既野玩啦!就係去京都市中心的京都塔玩「(VR)笨‧豬‧跳」!
享受從120米高空躍下的快感
當然,考慮到京都站旁邊的地標,以及其城市密度,實際上o係到玩笨豬跳未必能夠符合日本的安全規定,不過科技發展一日千里,宜家就可以透過VR虛擬實境,實踐呢個狂想啦!
京都塔VR Bungee Jumping,讓遊客(虛擬)體驗從120.9米(約397英尺)高空躍下——這高度甚至比觀景台還要高幾米呢!
幻想一下從塔頂360度俯瞰京都市全景,並飛身躍下,是否急不及待想去試玩呢?收費亦很便宜呢,只需700円(已含稅)。
京都塔VR笨豬跳
地址:京都市下京區烏丸通七条下東塩小路町721-1 JR京都車站正面
電話號碼:075-361-3215(京阪ホテルズ&リゾーツ株式会社タワー事業部)
營業時間:
2018年10月5日~12月24日
12點~21點(最後入場時間:20點40分)
費用:700日圓
交通方式:各線「京都」車站下車,步行約2分鐘
如果嫌VR笨豬跳都係太過普通,但又鍾意上天下海的朋友,或許可以考慮下次去沖繩潛水,必定讓你一生難忘!
資料來源:京都cf!
封面相片來源:The Kyoto Tower by kid-d
如果鍾意呢篇文章,就快D用下面的按鈕分享俾你朋友啦!您亦可以LIKE秋山的Facebook專頁或Instagram!當然亦歡迎留言交流啦!